🐾 Agent Wing 教你報稅全攻略！ 📑新手必讀，輕鬆搞掂報稅!
- Agent Wing
- 4月15日
- 讀畢需時 2 分鐘
大家好！我係你哋嘅貼心保險黑貓 Agent Wing！
一年一度嘅報稅季又到啦，相信好多朋友一諗起報稅就覺得頭痛。但唔使怕，Agent Wing 今日就會用最簡單易明嘅方式，帶大家輕鬆了解報稅嘅重點同常見問題。
一、報稅係咪每個人都要做？
只要你係香港居民，年滿18歲而又有收入嘅話，就一定要報稅！唔論你係正職、兼職、Freelancer，甚至係自僱人士，稅務局都會發報稅表畀你。就算你今年收入低，甚至冇收入，都建議你填好報稅表再交返比稅局。
二、報稅時要注意啲咩？
每年5月初左右，稅務局會發出報稅表（BIR60），大家記得喺限期內交返。千祈唔好拖延，一遲交就可能被罰款，甚至要承擔法律責任！
📌 小貼士： 如果你已經登記咗 電子報稅（eTAX），就唔會再收到實體報稅表，而係會收到電郵／短訊通知你上網報稅。所以記得check住你嘅 eTAX帳戶電郵通知，唔好錯過！
三、我有啲咩可以扣稅？
以下係最常見嘅扣稅項目：
強積金 (MPF)：最多扣稅金額為$18,000。
自願醫保計劃 (VHIS)：每名受保人每年最多扣稅金額為$8,000。
合資格年金計劃 (QDAP)：每名納稅人每年最多扣稅金額為$60,000。
個人進修開支扣除：每年最多扣稅金額為$100,000。
長者住宿照顧開支：每名長者最多為$100,000
居所貸款利息：最多為$120,000
慈善捐款（最少$100，最多限稅前35%）
住宅租金：最多扣稅金額為$120,000
📌 Agent Wing 提提你：
要記得儲好相關證明文件，例如保險公司嘅已繳付保費證明或教育機構發出嘅收據，以備稅務局查核。
四、遲交稅或冇交稅有咩後果？
如果遲交或唔交稅，可能會受到以下懲罰：
收到稅務局嘅罰款通知
追討以往所欠稅款
額外利息甚至法律訴訟
Agent Wing 誠意提提大家：報稅唔難，只要準時交表同埋資料準確，就可以避開好多麻煩！
五、新手報稅3個常見迷思
迷思一：收入低唔洗報稅？
就算收入低於免稅額，Agent Wing 都建議你報稅，因為咁做可以避免被稅務局誤以為你逃稅。
迷思二：交稅一定好貴？
唔一定！只要善用扣稅優惠，例如買自願醫保同年金，就可以大大減輕稅務負擔。
迷思三：Freelancer 或自僱人士好難報稅？
只要清楚紀錄收入同開支，同埋預留證明文件，其實一樣簡單！
Agent Wing 嘅小貼士：
記得提早準備好所有相關嘅證明文件，包括收入證明、保險單據同埋進修課程收據等等，咁報稅嘅時候就唔使手忙腳亂啦！
如果仲有唔清楚嘅地方，隨時可以搵 Agent Wing提供專業又貼心嘅協助～幫你計清計楚，報錯稅分分鐘少咗一個旅行洗費！
祝大家報稅順利，輕輕鬆鬆，唔洗頭痛～
Comments